Ақтауда 25 градус ыстықта тұрғын үйлерге жылу берілген

Ақтаудың 7-шағын ауданында 12-үйдің тұрғындары жылудың ерте берілуіне наразы болды. Олардың айтуынша, сыртта ауа температурасы +25 градус шамасында болса да, батареялар «қатты қызып тұр». Проблемаға байланысты облыс орталығының әкімдігі түсініктеме берді, деп хабарлайды Azattyq Rýhy агенттігі Lada.kz сайтына сілтеме жасап.

«Неге бар қуатында қосады? Қыстың өзінде мұндай ыстық болмайды. Үйіміздің іші қайнап тұр. Бұған кім жауап береді?» — дейді қала тұрғындарының.

Ақтау әкімдігінің баспасөз қызметі жылу аталмыш мекенжайдағы үйлерде жүйелерді ретке келтіру жұмысы аясында берілген.

«Бұл – жылыту маусымын бастамас бұрын жүйелердің дұрыс жұмыс істеп тұрғанына көз жеткізу үшін жүргізілетін стандартты тексеру процедурасы», — деп мәлімдеді ведомство.

Сонымен қатар ертең, 10 қазанда, қаладағы тұрғын үйлерге жылу кезең-кезеңімен беріле бастайды. Синоптиктердің болжамынша, алдағы күндері Ақтауда ауа райы жылы болады: күндіз +23…+25 °С, түнде +10…+12 °С шамасында болады.

Басылымның мәліметінше, өткен жылы Ақтауда жылу беру маусымы жылу желілерін ұзақ жөндеу жұмысына байланысты кеш басталған еді. Сол кезде тұрғындар пәтерлердің салқындығына шағымданған.