Қазақстанның солтүстігінде қар жауады – ауа райы болжамы

«Қазгидромет» РМК алдағы бірнеше күнге арналған ауа райы болжамын жариялады, деп хабарлайды Azattyq Rýhy.

Синоптиктердің болжамына сүйенсек, алдағы күндері еліміздің көптеген өңірінде әзірге жауын-шашынсыз, жылы ауа райы сақталады. Мұндай ауа райы солтүстік-батыс антициклонының сілемімен байланысты.

Тек кезеңнің соңында республиканың батысы мен солтүстігінде атмосфералық фронттардың өтуіне байланысты жаңбыр және қар түрінде жауын-шашын күтіледі.

«Республика бойынша желдің күшеюі, шығыс пен орталықта – тұман, ал оңтүстік-батыс пен оңтүстікте – шаңды дауыл.

Ауа температурасының фонында айтарлықтай өзгерістер күтілмейді», – делінген синоптиктер болжамында.