Ол әйелін ұрғаны үшін сотты болды
Шығыс Қазақстан облысында 38 жастағы ер адам жұбайына қол жұмсағаны үшін 40 сағаттық қоғамдық жұмысқа тартылған еді. Алайда ол соттың шешімін орындаудан бас тартқаны үшін түрмеге қамалуы мүмкін, деп хабарлайды Azattyq Rýhy Қылмыстық-атқару жүйесі департаментіне сілтеме жасап.
Ведомствоның мәліметінше, ерлі-зайыптылар арасындағы жай ғана сөз таласының соңы қол жұмсауға ұласқан. 38 жастағы қала тұрғыны әйелін ұрғанын. Осы үшін сот оны кінәлі деп танып, 40 сағат қоғамдық жұмыс түріндегі жаза белгілеген.
Күзгі маусымға байланысты ол Өскемен қаласының көшелерін тазалау, жапырақ жинау және аумақты ретке келтіру жұмысын атқаруы тиіс болған.
Бірақ ер адам жазасын өтеуден бас тартқан.
«Ол сыпырғыш ұстауға ұяламын, таныстарым көріп қалуы мүмкін деп түсіндірді. Алайда мұндай «ұстаным» оның жағдайын қиындата түсуі мүмкін», – деп хабарлады Қылмыстық-атқару жүйесі департаменті.
Мекеме өкілдері оның жұмысқа шықпау әрекеті жазаның күшеюіне, яғни бас бостандығынан айыруға әкелуі мүмкін екенін ескертті.
Ер адам бастапқыда жұбайынан кешірім алып, отбасын сақтап қалуға уәде берген. Әйелі оған тағы бір мүмкіндік бергенімен, ол соттың талабын орындаудан бас тартқан.
Сот шешімін орындамаған жағдайда, ер адамға нақты түрме жазасы тағайындалуы мүмкін.