Қазақстанда 270 мыңнан астам адамға 21,7 млрд теңге көлемінде атаулы әлеуметтік көмек берілді

Қазақстанда 2025 жылғы 1 қыркүйектегі мәлімет бойынша, атаулы әлеуметтік көмек (АӘК) 50,3 мың отбасының 270,7 мың мүшесіне тағайындалды. Бұл мақсатқа 21,7 млрд теңге жұмсалды, деп хабарлайды Azattyq Rýhy.

Негізгі мақсат

АӘК-тің басты міндеті – табысы төмен отбасыларды ақшалай төлемдермен қолдау және олардың еңбекке қабілетті мүшелерін жұмыспен қамтуға тарту.

Қандай көмек көрсетіледі?

• Әлеуметтік төлемдер: табысы кедейлік шегінен төмен азаматтарға тоқсан сайын көмек беріледі.
• Балаларға қосымша төлем: 1-6 жас аралығындағы әр балаға 1,5 АЕК мөлшерінде ай сайынғы қосымша төлем қарастырылған. Қыркүйектегі жағдай бойынша 83,6 мың балаға 2,8 млрд теңге төленді.
• Жұмыспен қамту: грант беру, біліктілікті арттыру курстарына жіберу, жұмысқа орналастыру арқылы табыс табуға жағдай жасалады.

Қалай алуға болады?

АӘК тағайындауға өтінішті:

• тұрғылықты жеріндегі мансап орталығында;
• ауылдық округ әкімінде;
• электронды түрде eGov.kz порталы арқылы беруге болады.