Алматыға қашан жылу берілетіні белгілі болды

Алматыда жылыту маусымы орташа тәуліктік ауа температурасы +8°С және одан төмен деңгейде бес күн қатарынан сақталғанда басталады. Бұл туралы Алматы қалалық Энергетика және сумен жабдықтау басқармасының баспасөз қызметі Azattyq Rýhy ақпарат агенттігіне берген түсініктемесінде хабарлады.

Жылу жүйесіне қосу кезең-кезеңімен жүзеге асырылады:

• бірінші кезекте әлеуметтік нысандарға – балабақшалар, мектептер, медицина ұйымдары, кәсіби мектептер мен әлеуметтік-медициналық мекемелерге жылу беріледі;
• екінші кезеңде тұрғын үйлер, жатақханалар мен қонақүйлер қосылады;
• кейін – әкімшілік ғимараттар, жоғары оқу орындары, театрлар;
• соңғы кезеңде қалған нысандар жылуға қосылады.

Басқарма барлық жұмыс бекітілген кесте бойынша жүргізілетінін және тұтынушыларға жылу үздіксіз режимде жеткізілетінін атап өтті.