«17 жыл бұрын адам өлтірген»: Алматыда қылмыстық топ мүшесі ұсталды

Алматы маңында криминалдық полиция қызметкерлері Қырғызстан азаматын ұстады. Ол ТМД аумағында іздеуде болып, 2008 жылы болған қанды қақтығыс кезінде адам өлтірді деген күдікке ілінген, деп хабарлайды Azattyq Rýhy Polisia.kz-ке сілтеме жасап.

Қылмыстық топпен байланысы анықталды

Мәліметке сәйкес, күдікті қырғыз криминалдық әлемнің атақты басшысы Қамшыбек Көлбаевтың ұйымдасқан қылмыстық тобының белсенді мүшесі болған.

 «Ол 2008 жылғы криминалдық төбелес кезінде жасалған кісі өліміне қатысы бар деген айыппен халықаралық іздеуде жүрді», – деді ҚР ІІМ өкілдері.

Қазақстандағы қылмыскерлерді ұстау деректері

ІІМ қыркүйек айының басынан бері жүргізген арнайы шаралар нәтижесінде:

• 81 қылмыскерді ұстады;
• 58 хабар-ошарсыз кеткен адамның мекенжайын анықтады;
• ТМД және алыс шетелдердің сұранысы бойынша 28 қылмыскерді қолға түсірді.

Олардың арасында Астанада 160 млн теңгені жымқырған алаяқтық ісінің фигуранты; еллрда әуежайында 2013 жылдан бері Молдова ІІМ іздеуінде жүрген, 150 мың доллар ұрлық пен бопсалау ісіне қатысты Ресей азаматы бар.