Алматыда полицейлер жас жігітті алаяқтардың арбауынан соңғы сәтте құтқарып қалды
Алматыда полиция 4 млн теңгелік интернет-алаяқтықтың алдын алды
Алматыда полицейлер ата-анасының дер кезінде дабыл қағуының арқасында 21 жастағы жігітті интернет-алаяқтардың қолынан құтқарып қалды. Құқық қорғаушылардың жедел әрекеті нәтижесінде отбасының 4 миллион теңгеден астам қаражаты сақталды, деп хабарлайды Azattyq Rýhy.
Алматы қаласы Алмалы аудандық полиция басқармасына ата-анасы 21 жастағы ұлдарының жоғалғанын хабарлаған. Жас жігіт алтын бұйымдар мен ақшасын алып, бірнеше сағат бойы байланысқа шықпаған.
Интернет-алаяқтардың айласы
Полиция тексеріс кезінде жігіттің интернет-алаяқтардың ықпалына түскенін анықтады. Олардың нұсқауымен ол ақшаны аударуға дайындалып жатқан. Жоғалтып ала жаздаған қаржы көлемі – 4 млн теңгеден астам.
Полицейлердің жедел әрекеті
Құқық қорғаушылар азаматты дер кезінде тауып, отбасының қаржысын сақтап қалды. Қазір алаяқтарға қатысты тексеру мен іздестіру жұмыстары жүріп жатыр.
Алматы полициясы тұрғындарды қырағы болуға, бейтаныс интернет-таныстарға сенбеуге және күмәнді жағдай туындағанда дереу полицияға хабарласуға шақырады.
