Қарағанды облысында 75 жастағы қариядан бір мөшек есірткі табылды

ҚР Ішкі істер министрлігі «Заң және тәртіп» қағидаты аясында «Қарасора – 2025» жедел алдын алу іс-шарасын жалғастыруда. Шара есірткі айналымына, соның ішінде құрамында есірткі бар өсімдіктерді егу мен өсіруге қарсы бағытталған, деп хабарлайды Azattyq Rýhy.

Жамбыл облысы

40 жастағы жергілікті тұрғын ұсталды. Оның ауласынан 144 түп каннабис пен кептірілген марихуана алынды. Жалпы салмағы 239 келі болды.

Ұлытау облысы

Бір азаматтан 20 келіден астам марихуана мен гашиш тәркіленді.

Қарағанды қаласы

Теміржол вокзалы маңында 75 жастағы ер адам ұсталды. Одан марихуана мен гашиш алынды, жалпы салмағы шамамен 20 келі.

Жыл басынан бері нәтижелер

• 4 655 есірткі қылмысы әшкереленді;
• 11 тоннадан астам есірткі заңсыз айналымнан алынды;
• Оның ішінде 1 тоннадан астамы синтетикалық заттар;
• 11 зертхана жойылды;
• 24 тонна химиялық зат тәркіленді (оның 6 тоннасы – прекурсорлар);
• Есірткі жарнамасына қатысты 105 қылмыстық іс қозғалды;
• Интернетте есірткі насихаттаған 20 мыңға жуық ресурс бұғатталды.

ҚР ІІМ есірткі қылмысына қарсы іс-қимыл комитеті төрағасының орынбасары Қуандық Әлжановтың айтуынша, бұл бағыттағы іс-шаралар жалғасады.