Қарағанды облысында аулада тұрған көлік өртеніп, қызыл жалын бес қабатты үйге тарады

ТЖМ құтқарушылары өрт кезінде 10 адамды эвакуациялады

Фото: ҚР ТЖМ

Қарағанды облысының Шахтинск қаласында аулада тұрған көлік өртеніп, қызыл жалын бес қабатты үйге тарады, деп хабарлайды Azattyq Rýhy.

Оқиға Шахтинск қаласындағы Мичурин көшесінде болды. Өрт салдарынан газ-ауа қоспасы жарылып, қызыл жалын бес қабатты үйдің 2 және 3-қабаттарындағы балкондарға тарады.

«Оқиға орнына жедел жеткен ТЖМ құтқарушылары баспалдақ арқылы 10 адамды қауіпсіз жерге эвакуациялады.

Өрттің жалпы аумағы 15 ш.м құрады. Зардап шеккендер жоқ. Өрт толық сөндірілді», - делінген ҚР ТЖМ хабарламасында.

Мақалада

#Қарағанды облысы #өрт #өрт қауіпсіздігі #Шахтинск #өрт сөндірушілер

Алдыңғы жаңалық

Әуе жолы, теміржол: енді қазақстандықтардың әрбір сапары ІІМ назарында болады