Елордада Kazinform агенттігінің 105 жылдығына арналған көрме ашылды

Бүгін Астанада «Kazinform» халықаралық ақпарат агенттігінің 105 жылдығына арналған ерекше фотокөрме ашылды, деп хабарлайды Azattyq Rýhy.

«Қазақстан тарихы Kazinform-ның фотосуреттерінде» атты экспозицияда 1930 жылдардан бүгінгі күнге дейінгі ел тарихындағы маңызды сәттерді бейнелейтін 180-нен астам архифті және эксклюзив сурет қойылған.

«Kazinform» ақпарат агенттігінің басқарушы директоры Нағашыбек Алдан көрмеде түрлі тарихи сәттер бейнеленгенін айтты.

«Көрменің ерекшелігі - бүгін халық назарына алғаш рет ұсынылып отырған суреттерді көре аласыздар. Көрмеге қойылған туындылар осы күнге жетуі үшін тынбай еңбек еткен әріптестерімізге рақмет»,- дейді Нағашыбек Алдан.

Көрменің ашылу салтанатында қоғам белсенділері, парламент депутаттары мен қонақтар сөз сөйледі. Фотокөрме мына тарихи кезеңдерді қамтиды:

• соғысқа дейінгі жылдар
• Екінші дүниежүзілік соғыс
• индустрияландыру
• тың игеру кезеңі
• тәуелсіздіктің алғашқы жылдары
• Алматы мен Астананың қалыптасу шежіресі.