Кәсіпкер жалған құжатпен 300 млн теңге субсидия алып, 110 млн теңгесін құмар ойынға жұмсаған

Жетісу облысында сүт өнімдерін қайта өңдеуге арналған 300 млн теңге көлемінде мемлекеттік субсидияның жымқырылғаны анықталды, деп хабарлайды Azattyq Rýhy.

Тергеу деректері

Қаржы мониторингі агенттігінің мәліметінше, ЖШС басшысы екі жыл бойы жалған құжаттарды пайдаланып, «Ауыл шаруашылығы басқармасынан» 300 млн теңгеден астам қаржыны иемденген. Ол сүт өндірушілермен есеп айырысу актілерін қолдан жасап, май шығару көлемін асырып көрсеткен.

Құмар ойынға жұмсалған қаржы

Заңсыз алынған қаражаттың 110 млн теңгесі күдікті тарапынан құмар ойындарға шығындалған.

Шектеу шаралары

Сот санкциясымен құны 300 млн теңгеден асатын зауытқа тыйым салынды. Күдікті үй қамаққа алынып, тергеу жалғасуда.