Олар тыйым салынған заттарды кіргізбек болғаны үшін ұсталды
Алматы қаласында Қылмыстық-атқару жүйесінің (ҚАЖ) мекемелерінде тыйым салынған заттарды жеткізу әрекеттері тағы да әшкереленді. Бұл жолы заңды қорғауға тиіс адвокаттардың қатысуы қоғамның ерекше алаңдаушылығын тудырды. Бұл туралы Azattyq Rýhy агенттігі Polisia.kz-ке сілтеме жасап хабарлайды.
Алматы қаласы бойынша ҚАЖ департаментінің №72 мекемесінде алаяқтық ісі бойынша күдіктіге телефон беру әрекеті тоқтатылды.
Тыйым салынған зат адвокаттың сөмкесінен рентген құрылғысы арқылы тінту кезінде табылды. Кездесу өткізілмей, адвокатқа қатысты жауапкершілік мәселесі қаралуда.
Алматы ҚАЖ департаментінің мәліметінше:
2025 жылдың ақпанында тағы бір адвокат Алматы тергеу изоляторында қорғауындағы адамға екі телефон бермек болған. Тыйым салынған заттар тәркіленіп, іс әкімшілік сотта қаралды. Сот шешімімен әйел-адвокат жауапқа тартылды.
2025 жылдың басынан бері ҚАЖ мекемелеріне 422 телефонды алып кіру әрекеті әшкереленді.
150-ден астам адам жауапқа тартылды, оның ішінде адвокаттар мен қоғамдық қорғаушылар бар. 4 адам қылмыстық жауапкершілікке тартылған.
ҚР ІІМ ҚАЖ комитеті бұл фактілер бойынша Республикалық адвокаттар алқасына хат жолдап, тиісті шаралар қабылдауды және қажет болса, кәсіби лицензиядан айыруды сұрады.
«Адвокат мамандығына және құқық қорғау қызметіне құрметпен қараймыз. Алайда заңды айналып өту – бұл қорғау емес, мамандыққа деген сенімге нұқсан келтіру. Заң баршаға бірдей», – деп атап өтті комитет өкілдері.