Қазақстанда шетелдік жұмыс күшін тартуға арналған жаңа квоталар енгізіледі

Қазақстанда 23 тамыздан бастап шетелдік жұмыс күшін тартуға арналған жаңа квоталар күшіне енеді, деп хабарлайды Azattyq Rýhy.

Еңбек және халықты әлеуметтік қорғау министрінің бұйрығымен 2025 жылға шетелдік жұмыс күшін тартуға арналған жаңа квоталар бекітілді.

Құжатқа сәйкес, жергілікті атқарушы органдар арқылы берілетін рұқсаттар бойынша шетелдік жұмыс күшін тарту квотасы ел аумағында еңбек қызметін жүзеге асыру үшін жалпы жұмыс күшінің 0,25%-ына дейін арттырылды.

«Жеке тұлғалар арқылы жалданатын еңбек иммигранттарына арналған квота жұмыс күшінің жалпы санының 2,95%-ына дейін қысқартылады», – делінген бұйрықта.