Алматы облысының Көлсай көлдері маңында екі жасар бала жоғалып кетті

Алматы облысының ТЖД 112 басқару пультіне 2023 жылы туған баланың жоғалғаны туралы хабарлама келіп түсті, деп хабарлайды Azattyq Rýhy ҚР ТЖМ Telegram-арнасына сілтеме жасап.

Оқиға Кеген ауданы аумағындағы мемлекеттік ұлттық табиғи парк – «Көлсай көлдері» таулы аймағында болды.

Іздестіру-құтқару операциясын жүргізу үшін Алматы облысы ТЖД жедел-құтқару жасағының кезекші ауысымынан механикаландырылған патруль жөнелтілді.

Жедел іздестіру жұмысының нәтижесінде бала табылды. Медициналық көмекті қажет етпеді, ата-анасына аман-есен тапсырылды.

Төтенше жағдайлар министрлігі ескертеді:

• таулы аймақта қауіпсіздік ережелерін сақтаңыз және балаларды қараусыз қалдырмаңыз.