Шпаргалка қолданып, телефонмен кірмек болды: магистратураға тапсырған 100-ге жуық адамның тесті жойылды

Қазақстанда 21 шілде күні басталған магистратураға түсуге арналған кешенді тестілеуге 39 мыңнан астам талапкер қатысты. Жалпы 51 мыңнан астам өтініш қабылданған болатын, деп хабарлайды Azattyq Rýhy.

Шекті балл жинағандар көрсеткіші

• Ғылыми-педагогикалық бағыт бойынша тест тапсырғандардың 52%-ы шекті балл жинады.
• Бейінді бағыт бойынша бұл көрсеткіш 21%-ды құрады.

Орташа балл:

• Ғылыми-педагогикалық бағыт – 78 балл;
• Бейінді бағыт – 23 балл.

Ең жоғары нәтиже – 139 балл.

Тәртіп бұзушылар анықталды

Тестілеу барысында 99 талапкердің нәтижесі жойылды:

• 67 адам тыйым салынған заттарды (смартфон, шпаргалка және т.б.) алып өтуге тырысқан;
• 31 адам тестілеу ережелерін бұзғаны үшін аудиториядан шығарылды;
• 1 бөгде адамның тестілеуге кірмек болғаны анықталды.

Апелляция беру тәртібі

Тестілеу нәтижесімен келіспеген жағдайда онлайн-апелляцияға беруге болады:

• Апелляцияға тест аяқталғаннан кейін 30 минут ішінде өтініш беру қажет;
• Шағым 7 жұмыс күні ішінде қаралады;
• Сертификат апелляция шешімінен кейін жеке кабинетте қолжетімді болады.

Шекті балл талаптары

• Ғылыми-педагогикалық бағыт бойынша – кемінде 75 балл;
• Бейінді бағыт бойынша – кемінде 30 балл.

13 мыңнан астам грант бөлінді

Биыл магистратураға оқуға 13 мыңнан астам білім беру гранты қарастырылған. Кешенді тестілеу 7 тамызға дейін жалғасады.