Тамыз айының алғашқы аптасы жаңбырлы болады – ауа райы болжамы

«Қазгидромет» РМК алдағы бірнеше күнге арналған ауа райы болжамын жария етті, деп хабарлайды Azattyq Rýhy.

Синоптиктердің болжамынша, алдағы үш тәулікте Қазақстан аумағы арқылы солтүстік-батыс циклоны жылжып, соған байланысты найзағайлы жаңбыр, екпінді жел күтіледі.

6 тамызда Павлодар облысының солтүстігінде, 7 тамызда республиканың солтүстігі мен орталығында қатты жаңбыр, бұршақ жаууы ықтимал.

«Елдің оңтүстігінде негізінен жауын-шашынсыз ауа райы сақталады. Республика бойынша желдің күшеюі күтіледі, оңтүстікте және батыста шаңды дауылмен қатар жүруі мүмкін.

Солтүстік, шығыс және орталық аймақтарда түнгі ауа температурасы +2…+13°С-тан +5…+18°С-қа дейін, күндізгі температура +15…+25°С-тан +18…+30°С-қа дейін жоғарылайды», – делінген синоптиктер болжамында.