Қазақстанның бірнеше өңірінде дабылды ескерту жарияланды
«Қазгидромет» 28 шілде, дүйсенбіге жасалған ауа райы болжамын ұсынды
Синоптиктердің болжауынша, Қазақстанның бірқатар аймағында найзағай ойнайды, өрт қаупі жоғары болады, осыған байланысты дабылды ескерту жарияланды, деп хабарлайды Azattyq Rýhy.
Оралда 18 м/с жылдамдықпен жел соғады.
Алматы, Талдықорған, Қарағанды қалаларында найзағай ойнайды.
Ақтау, Атырау, Қызылорда қалаларында өте жоғары өрт қаупі сақталады.
Қонаев қаласында, Алматы, Жетісу облыстарында найзағай ойнап, екпіні 15-20 м/с жел соғады.
Түркістан, Маңғыстау, Ұлытау, Қарағанды облыстарының кей жерлерінде найзағай ойнап, жел күшейеді, төтенше өрт қаупі бар.
Шымкент, Түркістан қалаларында, Атырау, Қызылорда, Батыс Қазақстан облыстарының кей жерлерінде 15-20 м/с жылдамдықпен жел соғады, өрт қаупі сақталады.
