Жасыбай көлінде демалып жүрген туристер құтқарушылардың көмегіне жүгінді
Павлодар облысы Баянауыл ауданындағы Жасыбай көлінде жедел-құтқару жасағының құтқарушылары бес демалушыны эвакуациялады, деп хабарлайды Azattyq Rýhy ТЖМ баспасөз қызметіне сілтеме жасап.
Демалушылар көлдің қарама-қарсы жағалауында қалып қойған.
«Кенеттен күшейген желдің салдарынан олар өздігінен кері қайта алмады», - деп жазылған хабарламада.
Көмек туралы хабарды алған бойда құтқарушылар оқиға орнына жедел жетіп, арнайы құтқару қайығының көмегімен адамдарды қауіпсіз жерге жеткізді.
Зардап шеккендер жоқ. Медициналық көмек қажет болмады.
Еске сала кетейік, Іле Алатауы жоталарында жарақат алған туристке Төтенше жағдайлар министрлігінің құтқарушылары жедел көмек көрсеткен болатын. Туристер тобы Есік өзенінің жоғарғы ағысында, теңіз деңгейінен шамамен 3500 метр биіктікте жүрген.