"Сахна мәдениеті деген қайда қалды?!" деп ашуланды желі қолданушылары
Актер Асылхан Төлепов спектакльдегі ерекше образы жұрттың көңілінен шықпады, деп хабарлайды Azattyq Rýhy.
Интернетте тараған видеодан әртіс сахнаға қызғылт жібек шортымен шығып, бөксесін қимылдатып билегенін көруге болады.
Көрермендер «Жау жүрек мың бала» фильміндегі батыр Сартайдың рөлін сомдап танылған актердан мұндайды күтпесе керек, бірден сынай жөнелді.
«Мақтап жүрген серілерің осы ма?», «Сахна мәдениеті деген қайда қалды? Масқара», «Бізге «Жау жүрек мың баладағы» Сартай батыр керек!», «Қазақ сахнасында ерсі көрінеді», «Сахнаны жын-ойнаққа айналдырды», «Сахнаның сәнін кетірді», - деп жазды олар.
Еске сала кетейік, әнші Кенжебек Жанәбіловтің құдалықтағы "біртүрлі" биі желіде тарап кеткен болатын. Асабаның сөзіне қарағанда құдаларды Сәкен Майғазиев күткен. Әннен шашу шашылып, қонақтар билеп жатқанда Кенжебек Жанәбілов камераға тіке қарап, бөксесін қимылдатып билейді. Желі қолданушылары екі ұдай пікір білдірді: кейбіреулер өзіне жарасып тұр десе, енді бірі «біртүрлі» екенін айтты.