Қазақстан құрамасы ФИФА рейтингінде құлдырап кетті

Халықаралық футбол федерациясы (ФИФА) 2025 жылғы 10 шілдеде жаңартылған ерлер арасындағы ұлттық құрамалардың рейтингісін жариялады, деп хабарлайды Azattyq Rýhy.

Қазақстан маусым айында екі матч өткізіп, екеуінде де жеңіліп қалды

Маусым айында Қазақстан құрамасы екі кездесу өткізді. Алдымен, Беларусьпен өткен жолдастық ойында сырт алаңда 1:4 есебімен ойсырай жеңілді. Артынша әлем чемпионатына іріктеу аясында өз алаңында Солтүстік Македонияға 0:1 есебімен есе жіберді.

Осы нәтижелердің негізінде Қазақстан құрамасы ФИФА рейтингінде бір орын төмендеп, 114-орынға түсіп қалды. Қазір Қазақстанның көршілері – Вьетнам мен Мадагаскар.

Рейтинг көшбасшысы – Аргентина, Италия үздік ондықтан шығып қалды

Рейтингтің алғашқы сатысында Аргентина ұлттық құрамасы көш бастап тұр. Испания екінші орында, Франция үздік үштікті түйіндеп тұр.

Португалия алтыншы орынға көтеріліп, Нидерландты ығыстырды. Германия мен Хорватия бір сатыға жоғарылады. Ал Италия құрамасы үздік ондықтан шығып қалды.

ФИФА ерлер рейтингінің үздік 10 құрамы (10 шілде 2025 жыл):

1. Аргентина – 1885,36 ұпай;
2. Испания – 1867,09;
3. Франция – 1862,03;
4. Англия – 1813,32;
5. Бразилия – 1777,69;
6. Португалия – 1770,53;
7. Нидерланды – 1758,18;
8. Бельгия – 1736,38;
9. Германия – 1716,98;
10. Хорватия – 1707,51;

114. Қазақстан – 1165,49 ұпай.