Аягөзде бес жасар қыз алюминий бөшкеге кіріп, шыға алмай қалған
Құтқарушылар гидравликалық құрылғымен фляганы кесіп, баланы дін аман алып шықты
Фото: ТЖМ
Абай облысы Аягөз қаласында бес жасар қыз ойнап жүріп, алюминий бөшкеге кіріп, қайта шыға алмай қалған. Бұл оқиға 7 шілде күні жеке тұрғын үй ауласында болған. Ата-анасы қызын өз бетімен шығара алмай, төтенше жағдай қызметіне хабарласқан, деп хабарлайды Azattyq Rýhy.
«Бала алюминий флягаға ойнап жүріп кіріп кеткен. Ата-анасы дереу құтқарушыларға хабарласып, көмек сұрады», – делінген ТЖМ-нің «112» Telegram-арнасында.
Құтқару операциясы қалай өтті?
- Оқиға орнына жеткен құтқару қызметі
- Гидравликалық құрылғы көмегімен фляганы абайлап кескен
- Қыз бала дін аман құтқарылып, ата-анасына тапсырылған
Медициналық көмекті қажет етпеді
Қыз бала жеңіл қорыққанымен, денсаулығына еш зиян келмеген. Жедел жәрдем шақырылмады.
Ойын – қауіп көзі
Мұндай оқиғалар балалардың ойын барысында қауіпсіздік ережелерін ескермеуінен болады. Ата-аналарға ескерту:
- Қауіпті заттар мен ыдыстарды балалардың қолы жетпейтін жерге қою
- Үй ауласында ойнап жүрген балаларды бақылаусыз қалдырмау
- Баланы қауіп-қатерден қорғау – ата-ананың міндеті.
Көп оқылған
10.11.2026, 10:46
«Мен кәсіби боксшы емеспін»: әйелді ұрған жасөспірім Түркістандағы төбелестің неден басталғанын айтып берді
10.11.2026, 11:07
4,5 мың жетімді бауырына басқан: 70-тен асқан Әмина апа минивэнімен балаларға азық-түлік тасып жүр
Редактордың таңдауы
15.10.2026, 19:19
Қазақстан мен Әзербайжанды жалғайтын суасты байланыс желісі іске қосылды
