Жетісу облысында 8 ауыл ішімдік пен темекі сатудан түбегейлі бас тартты (ВИДЕО)

Жетісу облысының Қаратал ауданына қарасты Айтөби ауылдық округінің Көкпекті ауылы ішімдік пен темекі өнімдерін сатдан толықтай бас тартты, деп хабарлайды Azattyq Rýhy.

Көкпекті – облыс көлемінде зиянды өнімдерден бас тартқан 8 ауылдың бірі. Бұл шешімді ауыл тұрғындары 4 жыл бұрын бір ауыздан қабылдаған. Содан бері ауыл дүкендерінде алкоголь мен темекі мүлде сатылмайды.

Облыстық Полиция департаметінің мәліметінше, мұндай игі бастаманың оң нәтижесі көп күттірген жоқ – ауылдағы қылмыс деңгейі күрт төмендеді, қоғамдық тәртіп пен тыныштық орнықты.