Түлектер білім грантына қашан құжат тапсыра алады: ресми мәлімет жарияланды

Қазақстандық талапкерлерге арналған маңызды ақпарат жарияланды. Ұлттық тестілеу орталығының мәліметінше, грант конкурсына құжат қабылдау 13-20 шілде аралығында жүргізіледі, деп хабарлайды Azattyq Rýhy.

Құжаттарды қабылдау онлайн да, офлайн да өтеді

Құжаттар екі түрлі форматта қабылданады:

• Офлайн – жоғары оқу орындарының қабылдау комиссиялары арқылы;
• Онлайн – eGov.kz порталы арқылы.

Грант конкурсына қатысу үшін қандай құжаттар қажет?

Талапкерлер төмендегі құжаттарды дайындауы тиіс:

• Жеке куәлік;
• ҰБТ сертификаты;
• 3х4 көлеміндегі фотосурет;
• Орта білімі туралы аттестат немесе колледж түлектері үшін диплом;
• Әлеуметтік жеңілдік санаты бойынша қатысуға арналған растайтын құжаттар;
• B167 «Ұшу аппараттарын және қозғалтқыштарды ұшырып пайдалану» мамандығы үшін дәрігерлік ұшу-сараптамалық комиссиясының медициналық куәландыруы.

Қосымша ақпарат қайдан алуға болады?

Қосымша мәліметтер мен кеңестер алу үшін әрбір ЖОО-ның қабылдау комиссиясына жүгінуге болады.