Жамбыл облысында аса ірі көлемде есірткі сақтаған адам сотталды

Байзақ ауданының тұрғыны ұсталды

Фото: freepik.com

Байзақ ауданы прокуратурасының үйлестіруімен Жамбыл облысы ПД-нің Есірткі қылмысымен күрес басқармасы ауданның 51 жастағы тұрғынын аса ірі көлемде есірткі сақтады деген күдікпен ұстады, деп хабарлайды Azattyq Rýhy.

ТІНТУ НӘТИЖЕСІНДЕ МАРИХУАНА ТАБЫЛДЫ

Күдіктінің үйін тінту кезінде салмағы 15 келіден асатын марихуана табылып, тәркіленді. Бұл есірткі затын аса ірі көлемде сақтау мен тарату мақсатында ұстағаны анықталды.

СОТ ҮКІМІ

Қылмыстық іс тергеп-тексеру нәтижесімен сотқа жолданды. 2025 жылғы 10 маусымдағы үкімімен, күдікті Қылмыстық кодекстің 297-бабы 3-бөлігі 3) тармағы бойынша 7 жылға бас бостандығынан айырылды. Үкім әлі заңды күшіне енген жоқ.

Мақалада

#Жамбыл облысы #есірткі #есірткіге тәуелділік #есірткі саудасы #есірткімен күрес

Алдыңғы жаңалық

Тоқаев Словения президентіне құттықтау жеделхатын жолдады