Иран мен Израильден тағы 144 қазақстандық эвакуацияланды

Иран мен Израиль арасындағы әскери қақтығыстарға байланысты Қазақстан өз азаматтарын аталған елдерден эвакуациялап жатыр, деп хабарлайды Azattyq Rýhy.

ҚР Сыртқы істер министрлігінің мәліметінше, үйлестірілген эвакуациялық іс-шаралар аясында Израильден 66 қазақстандықты (Мысыр аумағы арқылы), Ираннан 78 азаматты (Армения арқылы – 73, Әзербайжан – 2, Түрікменстан – 3) шығарды.

«Иран және Израильдегі қазақстандық дипломаттар өз азаматтарына қажетті консулдық-құқықтық көмекті қамтамасыз ету бойынша жұмысты жалғастыруда.

ҚР СІМ Израиль, Мысыр және Армения билігіне өз ризашылығын білдіреді, сондай-ақ қазақстандықтарды эвакуациялауға қолдау көрсетіп жүрген ирандық, әзербайжан және түрікмен әріптестеріне қайта алғыс айтады. Бірлескен күш-жігердің арқасында азаматтарымыз үйлеріне аман-есен оралуға мүмкіндік алуда», - делінген ҚР СІМ хабарламасында.