Маңғыстау облысында әскери техникаға ұқсас дрон табылды

Маңғыстау облысының полиция департаменті аймақта табылған белгісіз ұшатын аппаратқа қатысты ресми түсініктеме берді. Бұл туралы Azattyq Rýhy агенттігі Lada.kz-ке сілтеме жасап хабарлайды.

Аппарат елді мекендерден алыс жерде табылған

Құқық қорғау органдарының мәліметінше, ұшатын құрылғы халық тығыз орналасқан жерлерден алыс, шалғай аумақта табылған.

«Қандай да бір материалдық шығын келтірілген жоқ. Қазіргі таңда оқиғаның барлық мән-жайы анықталып жатыр», – деп мәлімдеді полиция өкілдері.

Қай жерде табылды?

Белгісіз ұшатын аппарат 2025 жылғы 19 маусым күні күндіз, Қарақия ауданының аумағында, нақтырақ айтқанда, Болашақ шекара маңындағы теміржол станциясы маңында табылған.