Семей қаласының құтқарушылары ерлі-зайыптыны ағыс бойымен 7 шақырым төмен жерден тапты
Семей қаласында Төтенше жағдайлар департаментінің құтқарушылары Ертіс өзенінде моторы істен шыққан қайықтағы екі адамды құтқарып қалды, деп хабарлайды Azattyq Rýhy.
Анықталғандай, ағыс бойымен 7 шақырым төменге қарай кеткен қайықтың ішінде 1990 және 1987 жылы туған ерлі-зайыптылар болған.
Екеуінің де жағдайы жақсы, медициналық көмекке жүгінудің қажеті болмаған.
Құтқарушылар оқиға орнына жедел жетіп, адамдарды жағаға аман-есен жеткізді, сондай-ақ қайықты сүйреп шығару жұмысын да жүзеге асырды.
Төтенше жағдайлар министрлігі су айдындарында демалушыларға қауіпсіздік ережелерін қатаң сақтауға кеңес береді.