Астанада жеңіл көлік жол жиегіндегі жарық бағанына соғылды

Астанада Volkswagen Golf автокөлігі жол жиегіндегі жарық бағанына соғылып, ішіндегі жүргізушісі зардап шекті, деп хабарлайды Azattyq Rýhy.

Жол апаты Момышұлы даңғылында болды

Оқиға бүгін Момышұлы даңғылының Абылай хан даңғылынан келе жатқан бағытында, Қордай көшесінің қиылысында тіркелді.

Жүргізуші бағдаршамның тыйым салынған сигналына өтті

Астана қалалық Полиция департаментінің мәліметінше, Volkswagen Golf жүргізушісі тыйым салынған қызыл шамға өтіп, рөлге ие бола алмай, көше шамы орнатылған бағанаға соғылған. Бағанада бейнебақылау камералары да орналасқан.

Жүргізуші жарақат алды

Жол-көлік оқиғасы салдарынан жүргізуші зардап шекті. Қазіргі уақытта аталған факті бойынша тексеріс жүргізіліп жатыр.