Павлодар облысында түрмеде отырған адам халықаралық есірткі арнасын құрған

Алматы қаласының прокуратурасы АҚШ-тан Қазақстанға заңсыз жолмен әкелінген аса ірі көлемдегі есірткі контрабандасына қатысты тергеу амалдарын жүргізіп жатыр, деп хабарлайды Azattyq Rýhy.

43 келіден астам марихуана пошта арқылы жеткізілген

Тергеу барысында 43 келіден астам марихуана тәркіленді. Заңсыз тауар ондаған пошта сәлемдемелері арқылы еліміздің әртүрлі қалаларына жіберілген.

Он адам ұсталып, тінту жұмыстары жүргізілді

Сәлемдемелердің алушыларын анықтау мақсатында бірнеше қалада тінту жүргізіліп, 10 адам ұсталды. Олардың айғақтары бойынша ұйымдасқан есірткі тасымалының күрделі схемасы белгілі болды.

Telegram-да басқарылған ұйымдасқан кибер топ

Аталған есірткі арнасы Telegram мессенджері арқылы «Феликс Гальярдо» және «Джордан Белфорт» деген жалған аккаунттармен басқарылған. Топ «кураторлардан», «буып-түюшілерден» және «дропперлерден» тұрған.

Түрмеден басқарылған халықаралық есірткі дүкені

Кибер топты Павлодар облысындағы қылмыстық мекемеде жазасын өтеп жатқан азамат басқарып отырғаны анықталды. Ол есірткі арнасын ұйымдастырып, криптовалюта арқылы төлем қабылдаған.

Криптовалюта және көлеңкелі табыс схемасы

Ұйымдастырушы кінәсін мойындап, есірткі жеткізу сызбасын, төлем тетіктерін толықтай әшкереледі. Тергеу барысында АҚШ-тан есірткі алуды қаржыландырған тұлғалар анықталып, олардың да түрмеде отырғаны белгілі болды.

Заңсыз табыс туыстарға тіркелген мүлікпен жасырылған

Қылмыстық топ мүшелері өздерінің заңсыз табысын туыстарының атына тіркелген мүлік арқылы жасырып отырған. Бұл мақсатта 5 пәтер, 3 ғимарат, 10 жер учаскесі және 44 автокөлік сатып алынған. Жалпы құны — 1 миллиард теңгеден астам.

20 азаматқа қатысты тергеу жүріп жатыр

Қазіргі уақытта қылмыстық қудалау ортасында 20 азамат бар. Олардың қатарында қылмыстық топқа қамқорлық көрсеткен лауазымды тұлғалар да анықталған.