Ақтаулық ата-ана балабақшадағы бейнежазбаны көріп, өз көзіне өзі сенбеген

Ақтаулық ата-ана үш жасар баласының балабақшада зорлық-зомбылық көргенін мәлімдеді, деп хабарлайды Azattyq Rýhy.

Lada.kz порталының мәліметінше балабақшаның тәрбиешісі сәбиге қатігездік танытқан.

Баланың ата-анасы оның мінез-құлқы өзгергенін байқайды: қатты дыбыстан қорқатынды шығарып, балабақшаға барудан бас тартқан. Кейін анасы 14 мамырда топтағы бейнебақылау камераларындағы жазбаны көрсетуді сұраған.

Бейнежазбаға тәрбиешінің бірнеше рет зорлық-зомбылық жасағаны түсіп қалған: баланың басынан ұрып, шымшып, ұрып-соғып, жалаңаш әжетханаға апарып, қараңғы жерде 20 минутқа қалдырған.

«Мен ол енді кішкентай балалармен жұмыс істемеуі үшін бұл адамды жұмыстан босатыңыз дедім. Біз басқа балаларға қауіп төнгенін қаламаймыз. Қазір психиатрлар мен логопедтерге барып жүрміз. Өміріміз тозаққа айналды. Бала үлкендермен қарым-қатынас жасаудан қашады. Дәрігерлер баланы арнайы балабақшаға ауыстыруға кеңес береді. Мен мұны ешкімге тілемес едім», - дейді әкесі.