Қазақстан каратэшілері Азия чемпионатында төрт алтын алды

Қазақстан құрамасы Өзбекстан астанасы Ташкентте өткен каратэден Азия чемпионатында төрт алтын, бір күміс және бес қола медаль жеңіп алып, жалпыкомандалық есепте көш бастады. Бұл туралы Спортты дамыту дирекциясының баспасөз қызметі мәлімдеді, деп хабарлайды Azattyq Rýhy. 

Алтын медаль иегерлері:

• Дайяна Даренская (68 келіге дейін) – финалда жапониялық Цубаса Камадан басым түсті. Бұл – оның ересектер арасындағы тұңғыш жеңісі.
• Нұрқанат Әжікенов (75 келіге дейін) – әлем чемпионатының қола жүлдегері ирандық қарсыласын жеңді.
• Софья Берульцева (68 келіден жоғары) – Токио Олимпиадасының жүлдегері жапониялық Сумирэ Сугитуды тізе бүктірді.
• Жоламан Биғабыл (55 келіге дейін) – өзбек спортшысын жеңіп, алтын иеленді.

Басқа жүлдегерлер:

Күміс:

• Қазақстан әйелдер құрамасы (кумитэ)

Қола:

• Мөлдір Жаңбырбай (50 кг дейін)
• Әсел Қанай (61 кг дейін)
• Данияр Юлдашев (84 кг дейін)
• Диас Үлбек (84 кг жоғары)
• Қазақстан ерлер құрамасы (кумитэ)

Азия чемпионатының медальдық есебі:

• Қазақстан – 4 алтын, 1 күміс, 5 қола
• Жапония – 3 алтын, 5 күміс, 4 қола
• Вьетнам – 3 алтын

«Қазақстан үшін бұл – Азия чемпионаттары тарихындағы екінші рет жалпыкомандалық есепте жеңіске жетуі. 2023 жылы Малайзияда ұлттық құрама үш алтынмен бірінші орын алған болатын»,– делінген хабарламада.

Айта кетейік, 2025 жылғы Азия чемпионатына 29 елден 421 спортшы қатысты.