СҚО-дағы екі ауыл алкогольден толық бас тартты

Солтүстік Қазақстан облысына қарасты Уәлиханов ауданының Жамбыл және Шағырсай ауылдарында тұрғындар ішімдік сатудан және тұтынудан толықтай бас тартты. Бұл туралы СҚО прокуратурасының баспасөз қызметі мәлімдеді. деп хабарлайды Azattyq Rýhy. 

Ауылдарда ішімдік мүлде сатылмайды

Бастама прокуратура, әкімдік және жергілікті полиция бірлесіп жүзеге асырған «Заң және тәртіп» жобасы аясында көтерілген. Екі ауылда өткен жиында барлық тұрғындар бірауыздансалауатты өмір салтын қолдап, алкогольден бас тарту туралы шешім қабылдаған.

• Жергілікті дүкен иелері де бастаманы қолдап,
• Алкоголь өнімдерін сатуды тоқтатып,
• Сөрелерінен мүлде алып тастаған.

Қоғамдық қолдауға ие бастама

Прокуратура өкілдері бұл шешімді жергілікті қоғамның белсенділігі мен бірлігінің нәтижесі деп атап өтті.

«Ауыл тұрғындарының саналы түрде ішімдіктен бас тартуы – қоғамның тәртіп пен денсаулықты бірінші орынға қойғанының айқын көрінісі. Бұл – құқықтық мәдениеттің артуына ықпал ететін маңызды қадам», – делінген хабарламада.