Алматы облысында блок-бекеттер қойылмайды
Қатаңдату шаралары түрлі объектілердің жұмыс уақытын қысқартуға ғана әсер етеді
Алматы облысында карантин талаптары қайта күшейтіліп жатыр. Дегенмен, облыста блок-бекеттер мен санитарлық постар қайта қойылмайды. Бұл туралы өңірдің бас мемлекеттік санитарлық дәрігері Қайрат Баймұхамбетов айтты, деп хабарлайды Azattyq Rýhy тілшісі.
«Қатаңдату шаралары түрлі объектілердің жұмыс уақытын қысқартуға ғана әсер етеді. Енді, базарлар түскі үшке дейін, дәмхана сынды қоғамдық тамақтану орындары түнгі он бірге дейін жұмыс істейді. Сондай-ақ, бассейндер мен су бұрқақтардың жұмысы тоқтатылған», - деді облыстың бас санитар дәрігері.
Қазір Алматы облысында коронавирус ахуалы 5,5 пайызды көрсетіп тұр. Ал өңірде карантин талаптарын жеңілдетуді бастағанда бұл көрсеткіш 2 пайыздан әрі аспаған.
Естеріңізге сала кетейік, бұған дейін өңірде блок-бекеттер қайтадан қойылып жатқанын хабарлаған едік.
