Алматының екі тұрғыны елордада есірткі өндіріп келгені анықталды
Астана қаласы прокуратурасының үйлестіруімен елордада синтетикалық есірткі жеткізу арнасы анықталып, құқық қорғау органдарының бірлескен әрекетімен жойылды, деп хабарлайды Azattyq Rýhy.
Жедел-іздестіру іс-шаралары нәтижесінде Алматы қаласының екі тұрғыны қолға түсті. Олар елорданың Достық шағын ауданындағы жалдамалы пәтерде психотроптық заттарды заңсыз өндірумен айналысқан.
Пәтерге тінту жүргізу кезінде полицейлер:
Сондай-ақ таратылуға дайын 5 килограмнан астам синтетикалық есірткі заты табылды.
Күдіктілер есірткіні дайындауда аса қауіпті саналатын «суық қайнату» әдісін пайдаланған. Бұл – жоғары температура қолданылмай, химиялық реакция негізінде жүзеге асырылатын тәсіл, әрі ол өндіріс орнын анықтауды қиындатады.
Қазіргі уақытта ұсталған азаматтарға қатысты ҚР Қылмыстық кодексінің тиісті баптары бойынша сотқа дейінгі тергеп-тексеру амалдары жүргізілуде. Есірткі арналарын жою және синтетикалық заттардың таралуына қарсы іс-шаралар ел аумағында жалғасын табады.