Астанада жыл басынан бері вандализм бойынша 50-ден аса адам қамауға алынды

Астанада жыл басынан бері бұзақылық бойынша 54 адамның қамауға алынғаны белгілі болды, деп хабарлайды Azattyq Rýhy.

Қала әкімдігінің мәліметінше, «Заң және тәртіп» бағдарламасын іске асыру аясында және елорда прокуратурасымен бірлесіп, полицейлер вандализммен белсенді күресіп жатыр. Өзгенің мүлкін қасақана жою немесе бүлдіру 60 АЕК дейін айыппұл салуға не 30 тәулікке дейінгі мерзімге қамауға әкеп соғады.

2025 жылдың басынан бері 80 адам әкімшілік жауапкершілікке тартылды: 54 адам қамауға алынды, 26 адамға 4 млн теңгеден астам айыппұл салынды.

Елордада еріктілер, белсенділер, белгілі спортшылар, қала тұрғындары қолдаған «Тоқта, вандал» акциясы аясында профилактикалық жұмыс жүріп жатыр. Акцияның мақсаты – вандализмнің кез келген жағдайын болдырмау және елордада тазалық пен тәртіпті сақтау.