Иранда портта болған жарылыстан жүздеген адам зардап шекті

Иранның оңтүстігінде орналасқан портта болған жарылыстан жүздеген адам жарақат алды, деп хабарлайды Azattyq Rýhy РБК агенттігіне сілтеме жасап.

Агенттіктің мәліметінше, Шахид-Раджаи портында (Бендер-Аббас қаласына жақын жерде) күшті жарылыс тіркелген. Жарылыс жергілікті уақытпен 12:30 шамасында порттың әкімшілік ғимаратында болған.

Соңғы деректерге сәйкес, оқиға салдарынан 406 адам түрлі деңгейде зардап шеккен.

Алдын ала мәлімет бойынша, жарылысқа жанармай құйылған цистернаның детонациясы себеп болуы мүмкін. Дегенмен, оқиғаның нақты себебі әзірге ресми түрде жарияланған жоқ.