Түркістан облысында 50 метр тереңдіктегі аңғарға түскен турист қайта шыға алмай қалған

Түркістан облысында 50 метр тереңдіктегі аңғарға түсіп, өз бетінше қайта шыға алмаған турист құтқарылды, деп хабарлайды Azattyq Rýhy.

«Түнде Түркістан облысы Төлеби ауданы Мәдени ауылынан 500 метр қашықтықта 1989 жылы туған ер адам 50 метр тереңдіктегі каньонға түсіп, өздігінен көтеріле алмаған», - деп жазылған ТЖМ таратқан хабарламада.

Құтқарушыларға 112 нөмірі арқылы туристің достары хабарласты.

Шақыртуға келген жедел-құтқару жасағының қызметкерлері каньонға түсіп, ер адамды құтқару арқанының көмегімен көтеріп алып шықты.