Енді газды қосуға өтінім беру кезінде жасанды интеллектіні қолдануға болады

Қазақстанда газға қосылуға тез және дұрыс өтінім беруге көмектесетін жаңа Жасанды интеллект-агент іске қосылады, деп хабарлайды Azattyq Rýhy Цифрлық даму, инновациялар және аэроғарыш өнеркәсібі министрлігіне сілтеме жасап.

Вице-министр Қаныш Төлеушиннің айтуынша, бұл қателердің санын қолданыстағы 30%-дан 5%-ға дейін төмендетеді және техникалық шарттарды алуды жеделдетеді.

«Жобаны 2025-2026 жылдары іске асыру жоспарланып отыр, ол 2,3 млн-нан астам қазақстандықты қамтиды", - деп жазылған хабарламада.

Қазіргі уақытта газ саласында мемлекеттік қызметтердің 74 түрі ұсынылады. Олардың барлығы азаматтар мен бизнеске ыңғайлы болу үшін толық цифрландырылған.

Сонымен қатар "Astana Hub" газ саласы үшін 14 жаңа жобаны іске асыруда. Олардың ішінде ЖИ-аналитикасы бар виртуалды кен орындарының тренажерлері, компрессорларды бақылау жүйелері, цифрлық егіздер, инспекцияға арналған ұшқышсыз ұшу аппараттары және бизнес-процестерді автоматтандыру платформалары бар.

2024 жылы жалпы кіріс 1,2 млрд теңгені, ал жұмыс басталғалы бері – 3,8 млрд теңгені құрады. Сонымен қатар 100-ге жуық жұмыс орны ашылды.