Атбасар тұрғыны бесінші қабаттағы пәтердің терезесінен құлап кетті

Ақмола облысының Атбасар қаласында 34 жастағы ер адам тұрғын үйдің бесінші қабатындағы пәтердің терезесінен құлап кетті. Куәгерлер оның терезе алдындағы тақтайда ілініп тұрып, құлап кеткен сәтін видеоға түсіріп алған, деп хабарлайды Azattyq Rýhy kris_p_astana-ға сілтеме жасап.

Ер адамның неліктен пәтердің терезесіне шыққаны әзірге белгісіз.

Зардап шегуші аман қалды, бірақ жағдайы ауыр. Дәрігерлердің айтуынша, оның ішкі ағзалары зақымданған, басынан жарақат алып, травматикалық шок күйіне түскен. Дәрігерлер науқастың өмірі үшін күресіп жатыр.

Полиция тергеуді бастады. Оқиғаның барлық мән-жайы анықталуда, содан кейін процессуалдық шешім қабылданады.