Жұма күнге арналған ауа райы болжамы жарияланды

«Қазгидромет» РМК 18 сәуірге арналған ауа райы болжамын жариялады, деп хабарлайды Azattyq Rýhy.

Астанада таңертең және күндіз жауын-шашын (жаңбыр, қар) болады. Желдің екпіні 15-20 м/с, күндіз кей уақытта 23 м/с жетеді.

Көкшетауда таңертең және күндіз жауын-шашын (жаңбыр, қар), көктайғақ болады. Таңертең және күндіз соғатын желдің екпіні 15-20 м/с.

Солтүстік Қазақстан облысында жауын-шашын (жаңбыр, қар), көктайғақ болады. Солтүстік-батыстан 15-20 м/с жел соғады.

Қостанай облысының солтүстік және шығыс бөлігінде таңертең жауын-шашын (жаңбыр, қар) болады. Желдің екпіні күндіз 15-20 м/с жетеді.

Түнде Павлодар облысының солтүстігінде, оңтүстігінде, шығысында жауын-шашын (қар, жаңбыр), көктайғақ болады. Солтүстік пен шығыс бөлігінде тұман түседі.

Қарағанды ​​облысында таңертең көктайғақ, күндіз жауын-шашын (жаңбыр, қар) болады. Күндіз желдің екпіні 15-18 м/с жетеді.

Ұлытау облысында таңертең тұман күтіледі.

Абай облысында жауын-шашын (жаңбыр, қар), көктайғақ, күндіз батыс, солтүстік, оңтүстік бөліктерінде жауын-шашын (көбінесе жаңбыр) болады. Желдің екпіні 15-18 м/с жетеді.

Шығыс Қазақстан облысының батысында, солтүстігінде, шығысында жауын-шашын, кей жерлерде қатты жауын-шашын (жаңбыр, қар), көктайғақ болады. Солтүстік-батыстан соғатын желдің екпіні 15-18 м/с.

Ақтөбе облысының солтүстік-шығысында түнде 2 градус аяз болады. Батыстан, солтүстік-батыстан соғатын желдің екпіні 15 м/с болады.

Батыс Қазақстан облысының солтүстігінде түнде 2 градус аяз болады.

Қызылорда облысында шаңды дауыл тұрады. Солтүстік-шығыстан жел соғады, екпіні – 15-20 м/с.

Жамбыл облысының таулы аймақтарында найзағай ойнап, тұман түседі. Солтүстік-батыстан соғатын желдің екпіні – 15-20 м/с.

Түркістан облысының таулы аймақтарында түнде қатты жаңбыр жауды. Оңтүстігі, таулы аймақтарында найзағай ойнайды. Күндіз желдің екпіні – 23 м/с.

Шымкентте солтүстік-шығыстан жел соғады, екпіні – 15-20 м/с.

Жетісу облысының таулы аймақтарында түнде, шығыста, күндіз таулы аймақтарда тұман, найзағай күтіледі. Желдің екпіні 15-20 м/с жетеді.