Алматы облысында қылмыс саны азайды: полиция мәлімдеме жасады

Алматы облысындағы қауіпсіздік деңгейі туралы өңірлік полиция департаменті түсініктеме берді, деп хабарлайды Azattyq Rýhy.

Полиция департаментінің мәліметінше, Алматы облысында қоғамдық орындардағы қылмыс деңгейінің төмендеуі тұрақты түрде байқалады.

Өткен жылдың сәйкес кезеңімен салыстырғанда тіркелген құқықбұзушылықтар саны 32%-ға азайған. Тек бір тоқсан ішінде көшелерде тіркелген қылмыстар саны 9,7%-ға, ал алкогольдік мас күйінде жасалған құқықбұзушылықтар 20%-ға қысқарды.

«Қоғамдық орындардағы азаматтардың қауіпсіздігін қамтамасыз ету – біздің басты бағытымыз. Біз құқықбұзушылықтарға тек жауап беріп қана қоймай, олардың алдын алуға бағытталған жұмыс жүргізудеміз. Сонымен қатар, жергілікті атқарушы органдармен өзара іс-қимылдың маңызы зор. Қабылданған кешенді шаралар көшелік қылмыс деңгейін төмендетуге ғана емес, сонымен қатар халықтың сенім деңгейін арттыруға мүмкіндік береді. Бұл – бір күндік нәтиже емес, полицияның барлық бөлімшелерінің күнделікті еңбегінің жемісі», – деп атап өтті ведомство.

Шартты түрде сотталғандармен, сондай-ақ бұрын қылмыстық жауапкершілікке тартылғандармен жұмыс жандандырылды. Бұған қоса, қайталанатын және топтық қылмыстардың алдын алуға ерекше назар аударылуда. Нәтижесінде, топпен жасалған қылмыстар саны 9,2%-ға азайды.