Тамағын пышақпен орып жіберген: Шығыс Қазақстанда ер адамның әрекеті тұрғындарды шошытты
Оқиға куәгерлері полиция шақыруға мәжбүр болды
Шығыс Қазақстан облысындағы саяжай қоғамдастықтарының бірінде агрессивті ер адам итті пышақтап өлтірмек болып, ешкімді жанына жақындатпады. Шошынған куәгерлер полицияға хабарласқан, деп хабарлайды Azattyq Rýhy YK-news.kz сайтына сілтеме жасап.
9 сәуірде болған жантүршігерлік оқиғаны жергілікті тұрғындар айтып берді. «Сетевик» бағбандық қоғамында екі қыз көршісінің иттің тамағын пышақпен орып жібергенін көреді. Олар оны тоқтатуға тырысқан, бірақ ер адам өзін агрессивті ұстайды. Сосын олар полиция шақырған.
«Жануарларға қатыгездік көрсету фактісі бойынша қылмыстық іс қозғалып, күдікті полиция бөліміне жеткізілді», - деп хабарлады ШҚО полиция департаменті.
Ит аман қалды, оған ветеринарлық клиникада ота жасалды. Жағдайы ауыр. Жанашыр тұрғындар еміне ақша жинады.
