Қазақстанда екі микроқаржы ұйымы лицензиясынан айырылды

Қазақстанда заңсыз әрекеттерге барған екі микроқаржы ұйымының лицензиясы тоқтатылды, деп хабарлайды Azattyq Rýhy Қаржы нарығын реттеу және дамыту агенттігіне (ҚНРДА) сілтеме жасап хабарлады.

«Орган шешімімен екі микроқаржы ұйымы микронесиелік қызмет жүргізу лицензиясынан айырылды, ал тағы төрт ұйымға қатысты тексеру жұмыстары жалғасып жатыр. Бұған дейін Алматы қаласында осындай алты ұйымның заңсыз әрекеттері әшкереленген болатын», — делінген хабарламада.

Барлығы 327 мыңнан астам азамат зардап шеккен, келтірілген шығын көлемі 30 миллиард теңгеге жеткен. Тергеу барысында бұл алты ұйым бір кеңседен жұмыс істегені, 200-ден астам қызметкері болғаны және шетел азаматтарының бақылауында болғаны анықталды.

«Сот 130 кепілдік шартының күшін жойып, қарыз алушыларды міндеттемелерден босатты. Ал МҚҰ-лар алған қаражатты кері қайтаруға тиіс», – деп мәлімдеді Агенттік.

Агенттіктің бастамасымен Алматы қаласының прокуратурасы 327 мың азаматтың мүддесін қорғау мақсатында сотқа талап-арыз түсірген. Қазіргі таңда тергеу жалғасуда.