«Қызым оны «әке» дейді»: Динара Сәтжан өзінің балалары мен күйеуінің қарым-қатынасы жайлы айтты

Жуырда тұрмысқа шыққан танымал тележүргізуші Динара Сәтжан балалары мен күйеуінің қарым-қатынасы жайлы түсіндіріп берді, деп хабарлайды Azattyq Rýhy.

Тележүргізуші өз сөзінде күйеуі мен ұлының танысуына аздап уақыт қажет болғанын айтып өтті.

«Ұлым әскерге барып келді. Бір күні Даниалға келіп, «ұлым саған жүріп жүрген жігітімді таныстырғым келеді» деп едім, ұлым «маған уақыт берші» деді. Осылайша, ұлым әскерден келген соң екеуі танысып, бірден тіл табысып кетті. Неліктен? Меніңше, бір адамды жан-тәніңмен жақсы көрсең, оған қатысы бар адамдардың бәрін де жақсы көріп кетесің. Мысалы, ол адамды жақсы көре тұра, оның әпкесін, болмаса, оның шешесін жақсы көрмеу мүмкін емес. Сол сияқты ол адамды жақсы көре тұра оның балаларын жек көре алмайсың», - дейді Динара Сәтжан.

Сондықтан да, Динара Жанықұлдың айтуынша, оның екінші баласы, яғни, қызы Жұмабек Жанықұловты бірден «әке» деп атап кеткен.

«Қызым оны қазір «әке» дейді. Жұмабек оны «қызым» дейді. Ал мен оның балаларының бәрімен танысып үлгерген жоқпын, өйткені, оның үлкен балалары Америкада оқиды. Яғни, қызымен әлі танысқан жоқпын. Меніңше, балалармен ресми түрде танысудың қажеті жоқ, оның үстіне оларға уақыт беру керек керек деп ойлаймын», - дейді Динара Жанықұл.

Айта кетейік, тележүргізуші осыған дейін тұрмысқа шыққан соң күйеуінің фамилиясын қабылдайтынын айтып өткен болатын.