$ 501.57  554.34  5.98
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Екі адамның өліміне кінәлі болған: Камаз жүргізушісі бірнеше жылға сотталып кетті

Сол сияқты жүргізуші куәлігінен 7 жылға айырылды

Екі адамның өліміне кінәлі болған: Камаз жүргізушісі бірнеше жылға сотталып кетті
Фото: istockphoto.com

Ұлытау облысында екі адамның өліміне кінәлі болған Камаз жүргізушісі бірнеше жылға сотталып кетті, деп хабарлайды Azattyq Rýhy.

Ұлытау облысының қылмыстық істер жөніндегі ауданаралық сотында көлік құралын басқаратын адамның жол жүрісі қағидаларын өрескел бұзып, абайсызда екі адамның өліміне әкеп соғу фактісі бойынша қылмыстық іс қаралды (ҚР ҚК-тің 345-бабы 4-бөлігі).

«Сотталушы «А.» өзінің басқаруындағы «КАМАЗ 55102» маркалы жүк автокөлігімен оның тіркеуінде болған шөп тиелген «М.А.»-ға тиесілі 6-тонналық «ЗПТС-12» трактор тіркемесі және мемлекеттік тіркеу нөмірі жоқ 4-тонналық тіркемесімен Талдыбұлақ ауылынан Жаңаарқа кентіне қарай келе жатып, жолдың жүру бөлігінің енін, көлік құралдарының көлемін және олардың арасындағы қажетті аралықты ескермей, Жаңаарқа кентінен Талдыбұлақ ауылына қарай өз жолымен бағыт алған «М.»-ның басқаруындағы «TOYOTA SURF» маркалы автокөлігі аталған «КАМАЗ 55102» маркалы автокөлігінің жолдың қарама-қарсы бағытына 60 см шығып тұрған 6-тонналық темір тіркемесінің оң жақ шетіне соқтығысқан.

«М.» көлікті басқаруға мүмкіндігі болмауы салдарынан жолдың қарама-қарсы бағытындағы 4-тонналық тіркемесіне соқтығысып, жол жиегіне шығып кетіп аударылған», - делінген облыстық сот хабарламасында.

Сотталушы сотта кінәсін мойындаған жоқ.

Сот үкімімен «А».-ға көлік құралын басқару құқығынан 7 жыл мерзімге айыра отырып, 6 жылға бас бостандығынан айыру жазасын өтеу қылмыстық-атқару жүйесінің қауіпсіздігі барынша төмен мекемелерінде тағайындалды.

Сонымен қатар, сотпен жәбірленуші «М»-ның моральдық залалды өндіру туралы азаматтық талабы ішінара қанағаттандырылып, сотталушы «А».-дан жәбірленуші М.-ның пайдасына 5 000 000 теңге моральдық, 500 000 теңге материалдық зиян өндірілді.

Серіктес жаңалықтары