Семейде VIP нөмір таққан әйел адам қарсы бағытқа шыққаны үшін көлігінен айырылды

Семейде қымбат көлік мініп, VIP нөмір тағып, қарсы бетке шығып кеткен жүргізуші куәлігінен айырылып қалды, деп хабарлайды Azattyq Rýhy.

Облыстық Полиция департаментінің мәліметінше, Семей қаласында BMW X6 көлігін тізгіндеген 44 жастағы әйел адам 19 наурыз күні қарсы қозғалыс жолағына шығып, жол қозғалысы ережесін өрескел бұзған.

«Көлік айыптұраққа қойылып, іс материалдары сотқа жолданды. Жүргізуші алты айға көлік жүргізу құқығынан айырылуы мүмкін.

Абай облысының полиция департаменті ескертеді: заң алдында бәрі тең. Жол ережесін сақтау — жай ғана формалдылық емес, әрбір адамның қауіпсіздігінің кепілі», - делінген ПД хабарламасында.