Оралда қаланың қақ ортасындағы гүлзардың ағаштарын кесіп, талқанын шығарды

Оралда қаланың қақ ортасындағы гүлзардың ағаштарын кесіп тастағаны туралы ақпарат тарады. Бұл туралы Azattyq Rýhy агентті «Мой город» басылымына сілтеме жасап хабарлайды.

Оқиға Абай даңғылы мен Құрманғазы көшесінің қиылысында жерасты өткелінің жанындағы алаңда болған. Мұнда бұрын арнайы орындықтары бар шағын гүлзар болған.

Оқиғаға қатысты қалалық әкімдік түсініктеме берді. Жауапты органның мәліметінше, Абай даңғылы, 53/1 мекенжайында кеңсе ғимараты салынатын көрінеді. Кәсіпкер сәулет-жоспарлау тапсырмасын алып үлгерген. Сол бойынша 17 ағашты кесуге рұқсат алған. Кәсіпкер кесілген ағаштардың орнына отырғызу маусымы басталғанда 170 көшет отырғызады.