СҚО-да Ұлттық ұлан қызметкері оқ атпақ болған адамның қаруын тартып алды

Петропавлда Ұлттық ұлан қызметкері қарулы қаскөйдің қаруын тартып алып, қауіптің бетін алды, деп хабарлайды Azattyq Rýhy.

Оқиға әскери қызметкер туыстарынан келе жатқанда аулада болған. Ол травматикалық тапанша көздеп тұрған мас адамды көреді.

ҚР ІІМ Ұлттық ұланның баспасөз қызметінен хабарлағандай, сарбаз бірден бұзақыға тап беріп, қоян-қолтық ұрыс әдістерін қолдан, полиция келгенше жас жігітті қозғалыссыз ұстаған.

Осыдан кейін тәртіп сақшысы бұзақыны дер кезінде жеткен полиция жасағына тапсырған.

«Бұл іс Петропавл қалалық ПД ақпараттарды есепке алу кітабына тіркелген. Тәркіленген зат баллистикалық зерттеуге жатады. Қорытындысы бойынша процессуалдық шешім қабылданады», - деп атап өтті СҚО ПД баспасөз қызметі