«Сен ауырғанда, мен жыладым»: қарт кісінің әйелін құттықтағаны қазақстандықтарды тебірентті (ВИДЕО)

Әлеуметтік желілерде 8 наурыз мерекесіне арналған жүрекжарды құттықтау кең тарады. Видеода қарт кісі жұбайына гүл мен ақша ұсынып, оның денсаулығына алаңдайтынын шын көңілмен жеткізеді, деп хабарлайды Azattyq Rýhy. 

«Сен өткенде ауырғанда, мен жыладым», – дейді ол көзіне жас алып.

Бұл әсерлі сәт желі қолданушыларының жүрегін елжіретіп, қызу талқылауға себеп болды. Көпшілік мұндай шынайы сезімге тәнті болып, өз эмоцияларын жасыра алмады.

Желі қолданушылары «Мен де жылап қалдым», «Махаббатқа қалай сенбеуге болады?», «Ұзақ ғұмыр мен мықты денсаулық тілейміз!» деп жазып жатыр.