«Кез келген жерде намаз оқу сәнге айналды»: жүргізуші автобусты тоқтатып, намаз оқыған (ВИДЕО)

Еліміздің батыс өңірінде қоғамдық көлікте Жұма намазын оқыған автобус жүргізушісі желіде қызу талқыланып жатыр, деп хабарлайды Azattyq Rýhy.

Желі қолданушылардың көбі мұндай әрекетті құптап, жүргізушінің таза ниетін сөз қылды.

«Аллаға оқитын жер емес, ниет маңызды», «Бауырым, дұғаң қабыл болсын!» – деп оқырмандар жылы лебіздерін жаудырып жатыр.

Екіншілері болса, намазды кез келген жерде оқу дұрыс еместігін айтып, оны сынға алды.

«Кез келген жерде намаз оқу сәнге айналды ғой, өзін көрсетудің амалы», «Мыналарың артық, адамдар таптаған лас жерде намаз оқу – үлкен күнә. Мазақ етіп болдыңдар ғой», – деп жазады сыншылар.